أنت غير مسجل في منتديات فارس الامارات . للتسجيل الرجاء إضغط هنـا
| |||||||||||
 | |||||||||||
| |||||||||||
| | |||||||||||
       | |||||||||||
 18-11-2008, 06:49 PM | رقم المشاركة91 (permalink) | ||
| :: فارس حبوب ::   مزاجي:  |  اعرف محمد يقهر في بروده ^^... هيه والله ..خخخخ بس شو تتوقعون بيرد على عهود؟؟؟ أعتقد بيقولها انه سوا حادث وجي مابيكمل جذبته .. أو يمكن ماتستحمل عهود بروده وتقفل بسرعه منه ..خخخ واوصفولي احساسكم يوم سوا الحادث...كنتو صج تضنون انه بيموت؟؟؟ يوم قريت كيف استوا الحادث حسيت انه بيموت عب عرفت انه مابيموت ..خخخ ومشكووره ياحبوبه على البارت الرووعه .. ونتريا التكمله ... __________________
| ||
 |
| 18-11-2008, 08:34 PM | رقم المشاركة92 (permalink) | ||
| :: فارس حبوب ::  | اعرف محمد يقهر في بروده ^^... شراتي باارد اعصااب لووووووول بس شو تتوقعون بيرد على عهود؟؟؟ بيقولها مالج خص او مب لازم تعرفين واوصفولي احساسكم يوم سوا الحادث...كنتو صج تضنون انه بيموت؟؟؟ خفت انه يموت وتنتهي القصه لوووووول تسلميييييين يالغاليه ع الباارت  ودمتم سالمين __________________
| ||
| |
| 19-11-2008, 08:40 AM | رقم المشاركة93 (permalink) | ||
| :: رووح الوفــى ::   | يعطيكــــــــــــــــــــــــــــــــــــــــم العاااااااافيه أعضااااءنااا’، دشيــــت قصتـــج حبــووووبه بنت البلاد الأصيلـــه والله إستاااااااانست من الخااااطر ع الردود’، وللقصـــــ،ـه تقيـــــــــــــــــــم منـ،ـي ^_* إن شااااااااااااااء الله دوووووم إيكووون تحاااور من بين كتابنــــــــــــ،ـا وأعضاءنااااااا’، ويعطيكـــــــــــــــــــــــ،م العاافيـــــ،ـه إن شاء الله حبااااااايبـــــــــــي ^___^ __________________
| ||
| |
| 19-11-2008, 11:33 AM | رقم المشاركة94 (permalink) | |
| :: مراقب عام ::  مزاجي:  |
انا كنت بكتب انه يموت وتنتهي القصه... بس طلبو انه اطولها وقلت خل اتفلسف واطول القصه ^^ | |
| |
| 19-11-2008, 11:35 AM | رقم المشاركة95 (permalink) | |
| :: مراقب عام :: مزاجي: |
احس من زمان ماشفتج ^^>>>((وين تبا)) والله صج ..صرتي هاديه فجاه لا لا ان شاء الله مابتنتهي القصه ^^ امطوله بعدج...بس على الله ماتملين منها... | |
| |
| 19-11-2008, 11:55 AM | رقم المشاركة96 (permalink) | |
| :: مراقب عام :: مزاجي: |
ويشرفني حصورج ومرورج الغالي.... ولا تحرمينا مرورج الحلوو ^^ تحياتي الخااااااااااااااااااصه بنت البلاد الاصيـــــــــــلة | |
| |
| 19-11-2008, 06:20 PM | رقم المشاركة97 (permalink) |
| :: مراقب عام :: مزاجي: |  -------------------------------------------------------------------------------- محمد: قلت لج لا تفكري وايد سمعت عهود صوت الاجهزة ويلست تتعمق بالصوت وقالت: انت وين؟ محمد: ليش؟ عهود: محمد انت وين ؟ محمد: بالبيت ليش؟ عهود: لا ولا شي محمد: عهود عهود: هلا محمد كان وده يقولها اشتقت لج واحبج بس قرر انه يثقل عليها: اشحال الدراسه عهود خابت آمالها كانت تضن بيقولها احبج: الحمد الله محمد: كم نسبتج؟ عهود: 80.3 محمد: انا اعلى عنج بواحد عهود: صج ههه حلو دخلت النيرس وخاف محمد عهود تسمع صوتها وقال: اوك بسكر الحين عهود انصدمت محمد ماصار يرمسها شرات قبل ويبا يسكر الحين وماردت عليه رد قال محمد: عهود بسكر عهود ماردت وسكر محمد المبايل وانقهرت عهود وتمت تصيح تحس انه محمد مايباها ويلعب عليها وهي ماتعرف الي فيه لانه محمد مايحب يخبرها بالي فيه مع انها الانسانه الي تفهمه من صوته ومحمد مب قصده يجرحها بس مايباها تخاف عليه اذا خبرها انه بالمستشفى عهود مابتنام طول الليل ويمكن تفكر اتييه بكل الطرق... وقررت عهود انها تخبره اذا بعده يباها ول بينساها واتصلت له على الساعه 1 باليل : الووو محمد: هلا عهود وهي تصيح : السلام عليكم محمد استغرب اول مرة تتصل له بهذا الوقت وبعد كانت تصيح: عهود شو صاير؟ عهود: محمد محمد: عهود بلاج ؟ عهود مب قادره ترمس وتظهر الرمسه غصبا عنها: محمد انت كرهتني؟ محمد حس براحه و ضحك: ههه عسب جي تصيحي؟ خوفتيني ... انا ماكرهتج عهود: عيل ليش جي تعاملني؟ احسك تكرهني ..... محمد قولي انساك محمد هني انصدم عهود تقوله انها تبا تقطع علاقتهم : عهود انتي شو تقولي؟ عهود: محمد دخيلك قولي انساك خلاص دامك تكرهني قولها محمد عصب ... ماتوقت جي منج ياعهود...: اوك براحتج عهود انسيني وسكره بويه عهود وهو معصب ومصدوم كيف تقوله جي وشو السبب وعهود بنفس اللحضه تصيح وتحس روحا بتظهر وظهرت راحت عند امها تحس انها مب قادره تتنفس وفجاه طاحت ركضو كلهم شلوها وودوها المستشفى وحطولها اكسجين ومغذي لانها من ثلاث ايام مب ماكله شي وتسهر بالليل وتفكر بمحمد والحين انقطعت علاقتهم . دخلت ام محمد طالعت الطاوله شافت الاكل مب لامسنه محمد هزبته لكن محمد ماصد حست انه محمد فيه شي راحت مسكته شافته امغمض عينه وشكله امعصب وكان حاط مبايله على صدره رفعته وحطته على الطاوله وانتبه محمد : هلا امايه من متى انتي هني ام محمد: محمد بلاك حبيبي خير ان شاء الله محمد: ولا شي انا بخير ام محمد طالعت المبايل انتبهت لصورة عهود بس الصورة مب واضحه لان المبايل كان على الطاوله شوي بعيد عنها وقامت بتشله سحبه محمد وقالت: منو هذي؟ محمد تردد: هاه ؟ منو؟ ام محمد: الصورة الي على مبايلك محمد: لا هذي ممثله ام محمد: تحط صور ممثلات بمبايلك ؟ محمد: هذا واحد من الربع ارسلها لي ام محمد: ربعك مادخلو لك هني محمد: امايه ترى علي يابلي الابتوب مالي ورسلت الصور من الابتوب على المبايل ام محمد: متى يابه؟ محمد اشر على الابتوب: هذو هناك شافته امه وقالت: مب زين تشوف صور الحريم احذفها محمد: ان شاء الله ام محمد: محمد محمد: هلا ام محمد: لو كنت تحب خبرني انصدم محمد: هاه ؟ احب ليش يعني؟ ام محمد: لا بس اخبرك جي ابتسم محمد لامه وبخاطره يقول: آآه لو تدري الي احبها تخلت عني يا امي دخل احمد وشاف ام محمد الي هي اخته سلم عليها وقعد: هاه بشر شخبارك محمد: الحمد الله وانت علومك وعلوم النخل ونوف احمد: كلهم بخير محمد اشر لاحمد يقترب منه راح له احمد: هاه آمر محمد: مليت تعال بالبوشنب وخذني تهريب من هني ام محمد: بتشرد من المستشفى ؟؟ والله لذبحك محمد: ههههه ماشاء الله عليج سمعتيني ام محمد: هيه عيل عبالك ما اسمع احمد: ههههه خلاص تزهب باجر بمرك عسب نشرد ام محمد: هيه شله من المستشفى وشوف شو بسويبك احمد: ماتقدري تسوي شي ام محمد: ببيع البوش وسنديه احمد: لا الا الغالية سندية خلاص محمد خلك هني محمد: تتخلى عني عسب سندوووه هذيج ؟ احمد: هيه هذيج الغالية حتى نوف صارت تغار منها هههه مر اليوم على خير ومحمد بعد تفكيره عن عهود شوي وحاول يتاقلم بفكره انه عهود بعيده عنه ومر الشهر وظهر محمد من المستشفى ورد البيت وسوله عزيمة عسب سلامته وكان محمد مايقدر ينام كل دقيقه حد يتصل له يتحمدوله بالسلامة ول حد ايله البيت واخيرا حط محمد راسه على مخدته ونام وهو مرتاح بعيد عن الاجهزه والابر والمغذي وقام الصبح تذكر عهود يوم توعيه وفتح المسن عسب يشوف اذا ارسلت له ايميل لكن ماشاف شي منها وحس بغيض وارسل((صدمتيني فيج ماضنيتج من هذاك النوع>>>>>)) وظهر من البيت وراح النخل عند احمد وشاف نوف بطنها ظاهر وابتسم: مبروك نوف نوف: الله يبارك فيك محمد: يلا عاد نبا حمود شراتي واحد حنون وشهم ورايل نوف ابتسمت وراحت تكمل الغدى يا احمد: هاه بلاك ويا حرمتي محمد: سررررر احمد: سر في عيونك بلاها حرمتي استحت وراحت شو قلت لها ؟ محمد: ياربي على الغيورين احمد: خل عنك ما اغار الرياييل مايغارو الا على شرفهم ودينهم وعرضهم محمد: زين زين بتسويلنا درس دين بس باركت لها على الحمل احمد: اهااا تو الناس هي حامل من كم شهر محمد: باركت لها قبل بس الحين ماشاء الله ... قاطعه احمد: بسك من الرمسه عن حرمتي يلا قوم خل نشتغل بالنخل هذا عسب اعودك على شغل الشرطة محمد: هههه عنبو انزين هذي حرمة خالي هب غريبه احمد: جب يلا جدامي محمد: حرام عليك ماكملت اسبوع وانا ظاهر من المستشفى احمد: ماعندي هالدلع جدامي محمد: الا خلفان وينه ؟ احمد: ما اعرف من شهر ونص ماياني محمد: وانا اتصل له مبايله مغلق ومب موجود في بيتهم احمد: يمكن مسافر محمد: والله كل شي جايز يلا سرينا من وين نبدا احمد: عند الدياي روح عطهم الاكل وجي بدو يشتغلو لين العشى وتعشى محمد عندهم وراح البيت على طول فتح المسن شاف عهود كاتبه له: شو قصدك انا ماقلت لك تخبرني انساك الا بعد ماتغير اسلوبك ولانه ربنا مب راضي عن علاقتنا لانا دوم نتضارب ولا يوم تفاهمنا . رد عليها بس بعد ماظهرت من المسن: عهود ا نتي الي تقولي جي انتي صج ياهل تعرفي شو يعني ياهل وبالباجر ردت عهود: دومك تقولي جي ياهل وما ادري شو عمرك مافهتني وانا كنت احبك حب مايعلم به الا ربي انت جرحتني كذا مرة واطنشني مايهمك زعلي ودوم تجرحني وانا ساكته وانا خايفه من اهلي واهلك اكيد مابيرضون بعلاقتنا. وبعد مادخل محمد: عيل ليش تقولين انه نحن كل يوم نتضارب عسب ربي مب راضي عنا انا ما ارضى حد يقولي ربك مب راضي عنك انتي شو؟ عالمة غيب؟ على فكره انا مالي دخل بالناس الي حوالي يعني اهلج ول اهلي مايهمني فاهمه مايهمووووني بس الصدق انج خذلتيني وماتقدرين تغييري الصج يا عهوووود ... اانا غلط يعني يوم حبيت ؟؟ هااااااااااااااااااااااااااااا .............. تعرفي انا شكثر متضايق من الي صار ... خلاص لا تردي عهود والله بس كافي الي فيني. قرت عهود الايميل وقلبها يتقطع هي ومحمد يحبو بعض بس عهود مب فاهمه ليش تغير >>>((الله يهداك يامحمد لوخبرتها الي صار فيك جان ماصار الفراق)) وكتبت له:انت فهمتني غلط..انا احس اني مب قادره اركز بشي حتى صلاتي احس اني هب مرتاحه فيها وهذا كله دليل انه ربي هب راضي عنا. محمد حس براسه بينفجر ومب قادر يتحمل عهود جرحته جرح اصعب من جروح الحادث الي صابه : لااااء فاهمنج عدل ما ادري انتي الي ماتفهمين يمكن انتي قلتي انج تخافي من نظرات اهلج وخايفه من ربج وبعدين ياعالمة الغيب ليش ترضيني وماترضين ربج؟ تحبي تزعجي الناس اول شي تحبين وبعدين تقولين انا ابا ارد نفس قبل نفس عهود الجديمه ؟؟ ليش؟؟؟؟؟؟؟؟؟؟؟ تحبي تكسري خاطر الناس؟ تحبين وتقولي ضميري يانبني وما ادري شو ومب مرتاحه شوووووووووووووووها اا؟ صدق ماشفت حد شراتج انا انصدمت يوم قلتي صلاتج مب مرتاحه فيها انا كم ذنب جنيته منج كم؟ شو تبين مني اسوي الحين؟ اموت بجلطه دماغيه مثلا وله نوبة قلبيه ليش ياعهود تغلطين اول شي وتعذبين الناس بعدين ليش؟... وبعدين اتي وتقولي آسفه على كل زلة لسان.. ضلو على هالحال شهر كامل ومحمد مب راضي يسامح عهود وعهود مب عارفه تتصرف حست انها بزله لسانها هذي وبغلطه بسيطه منها خلتهم يكرهو بعض وردت خبرت محمد وقالت: محمد تبانا نرجع شرات قبل؟ محمد بتسامحني؟ انا مب قادره اتحمل زود شهر كامل ونحن جي نتضارب ملييت .. محمد سامحني. قال محمد من ورى قلبه انه سامحها واتصلت عهود عسب ترمسه بالمبايل: الوو محمد محمد: شو تبي؟ عهود: ماتبا ترمسني؟ محمد: لا انصعقت عهود من طريقه كلامه ليش هو جي يعاملها معقولها كرهها والغلط مب منها هو مب راضي يفهمها ضروفه : يعني تباني اسكر؟ محمد: براحتج صار تعامل محمد مع عهود بجفاف وكل ماتتصل مايرد تحرق عهود مبايله تتصل له ومحمد امطنش وترسل له رسايل وهو ولا معبر لين ما ارسلت له عهود((اوك شكلك كرهتني الله يهنيك مع الي تحبها ويرحم ايام عهود بحفظ الرحمن)) هني اتصل محمد لها: شو قصدج؟ عهود مب امصدقه تسمع صوته بعد شهر من القطاع الي صار: شو شو قصدي؟ محمد: شو كاتبه بالمسج ؟ عهود بخاطرها تقوله سامحني: انه.. قاطعها محمد: شو قصدج الله يرحم ايام عهود؟ يعني انا خليتج وافكر بغيرج؟ عهود : انت ليش جي تعاملني؟ انا غلط ليش مب راضي تسامحني من شهر وانت تذلني مسحت فيني القاع وانت تذلني بس خلاص خلاااااص محمد حس بنبره صوتها وماحب يسمعها تصيح: تامري على شي؟ عهود: من شهر وانت ماتبا تجاوب على سؤالي ولا نتفاهم ليش ماتبانا نحل المشكله هذي محمد: تااااااااااااامري على شي؟ عهود: سكره محمد سكره بويهي مب اول مرة تسويها محمد ماسكره وتم ساكت وقالت عهود: ليش تسويبي جي يا محمد ليش؟ محمد: خليها على الله عهود: ليش فهمني لييش؟ محمد: انا خاطري اذا انكسر مايتصلح عهود: انا غلطت غلطت وانت مب راضي تسامحني لييش لييش؟ كم مرة انت غلط وسامحتك كم مرة جرحتني وسامحتك واذا زعلت عليك يومين او ثلاث وارضى وانت شهر شهر كااااااااامل ليش محمد: عهود هذي ثالث مرة اقول تامري على شي؟ وقبل لا تنطق عهود سكره بويها ارسلت له عهود((ماهقيتك تتهرب من مشاكلك صدمتني فيك)) اتصل محمد وهو امعصب: انتي شو ماتحسي؟ عهود: ليش تتهرب من المشكله ليش ماتبا نحلها؟ محمد: عهود خلاص ارحميني ولا تستفزيني انتي ماتحسي؟ عهود: انت ماحسيت فيني محمد: خلاص بس ارحميني عهود وسكره وعهود مب عارفه بلاه محمد وهي غايصه في بحر احزان ماينتهي ومحمد يحس بانه مخنوق مايعرف وين يروح الهى نفسه بالنخل لكن مافاده وراح النادي ويتذكر كلامه مع عهود يوم تهزبه ماتباه يروح النادي اونه ماتحب الي لهم عضلات ومحمد تم يضحك عليها ويغيضها: بسويلي عضلات شرات الملاكمين والمصارعين عهود: مب حلو والله مب حلو محمد: هههه ليش يعني؟ عهود: مب حلو الجسم شكله يخترب منفوخ من فوق محمد: ههههه بتشوفي عهود: لا تتمرن وايد محمد: لا بس عسب الشغل عهود: اوك اذا للشغل بس تمرن لكن ماتسويلك عضلات محمد:هههه اوك عاد بييج واحد اسوووووووووود عهود: ههه ليش ؟ محمد: لانه الشرطة بيكدونا كد تحت الشمس عهود: بيكون شكلك حلو اسمر هههه محمد: لا والله ههه رفع محمد الحديد وكان معاه منصور لانه بيدخل دورة الشرطة مع محمد وزاد الحديد ومحمد سرحان ومايحس الا الحديد يثقل وصد شاف منصور يضحك زاد له 30 كيلو نزله محمد وراح اونه يضارب منصور ومنصور يركض ويلاحقه محمد وسمع محمد مبايله يرن ركض شافه رقم عهود وطنش كمل يروغ منصور زخه ورن مبايله مرة ثانية ودز منصور محمد وراح رد على مبايل محمد : الووو هههه ...: هدوء منصور يطالع محمد ويغمز له: السلام عليكم راح محمد وسحب المبايل ورد:الووو ..: اشحالك؟ محمد: مرحب الساااع وينك غاط مبايلك مغلق خلفان: انا في دبي محمد: ليش؟ ودرت الشارجه ومابترجع؟ ههه خلفان: بلى برجع بس عندي كم من شغله هني بخلصهم وبي ان شاء الله محمد: يعني هذا رقمك ؟ خلفان : هيه بس لا تعطيه للزفت الي حذالك طالع محمد منصور شافه يالس يضبط المكينه عسب يركض عليها: منو قصدك؟ منصور؟ خلفان: لا تطري اسمه جدامي محمد: اوك براحتك خلفان: اقول ترى منصور بيتزوج وبياخذها ماخبرك؟ محمد: لا من متى؟ خلفان: امس اتصلت له وخبرته بس مب من هالرقم كنت في مركز الشرطة محمد: ليش توصل الموضوع للمراكز كان بامكانك تحلها ودي خلفان: الكلاب شراته ماينحل الموضوع معاهم ودي واصلا مب نحن الي رحنا المركز هم الي خذونا له محمد: منو؟ خلفان: الشرطة بعد حد غيرهم محمد: ليش؟ خلفان: ترى منى ضربتها انا وكسرت راسها بعدها خالي تولاها والله كنت اتمنى اشوفها ميته بس حيت الكلبه محمد: استغفر ربك هب زين خلفان: ضيعت سمعة العايلة تستاهل انها تموت محمد: خلفان الموضوع بعده هادي يعني محد عرف انت لا تنشر الخبر منصور ماخبر حد حتى اهله ماخبرهم وانت ومنى وخالك لا تفضحو نفسكم خلفان: حمود والله مقهور كنت بتزوجها تعرف شو يعني اتزوجها ... و كنت احس اني احبها تعرف شو يعني احبها هني تذكر محمد عهود وقلبه حزين على علاقتهم: هيه اعرف شو معناته بس انت هدي دام انه بياخذها بلا مشاكل خلفان: هو قالي مابياخذها اونه مرمسه غيره وظاهره معاهم محمد: لا تخاف بقنعه خلفان: اذا ما اقتنع انا بقنعه الكلب الحقير محمد: اوك بخليك الحين خلفان: اوك السموحة غثيتك محمد:افااا عيل شو فايدتنا ربع نحن ؟ لا تعيدها ول بزعل خلفان: اوك يلا اشوفك على خير محمد: مع السلامة راح محمد وقف عدال منصور وكان منصور يركض على الجهاز ومحمد يزيد السرعه لين مانزل منصور من الجهاز وهو يلهث من التعب : الله – الله يخس بليسك- تعبت آآه يلس على الكراسي وراح محمد يلس عداله: مبروك منصور: على شو؟ محمد: بتتزوج منصور: منو قالك ؟ اكيد خلفان .. اسمحلي ماباخذها امرمسه مليون غيري وظاهره معاهم محمد: رمستهم وظهرت معاهم بس ماسوت معاهم شرات ما انت سويت انت خذت شرفها منصور: ما ضربتها على ايدها وقلت لها اتيني محمد: منصور انت خبرتني انك ظهرت معاها وخذتها للفندق وهي كانت تصيح ماتبا ... يعني انت اجبرتها منصور نزل راسه وقال: محمد انا حاس بخلفان بس ماباخذها لو شو يصير محمد: منصور تخيل الله لا قال سندية بنت اختك صار فيها جي شو بتسوي بتزوجها للي خذ شرفها غصبا عنهم منصور تذكر سنديه وقال :محمد ترضى اتزوج وحده امغازله ومرمسه غيري وقايله لمليون واحد احبك ومتغزلين فيها؟ ترضى آخذ وحده مليون ولد عنده صورتها ويطالعها لين مايشبع محمد: ما ارضى بس هذا الي لازم يصير كل الي رمسوها على قولتك ماتجارئو ولمسوها لانهم يعرفو انه نهايتهم سجن منصور: اوك بنسجن بس مابتزوجها محمد: لا تحاول بتنسجن وبتتزوجها احسن لك حل الموضوع ودي ولا تفضح عمرك وتنسجن ويغصبونك عليها قام منصور وظهر من النادي وشل محمد اغراضه حطهم في دبة السياره ((سيارة ابوه)) وراح البيت سبح وحط راسه على السرير يطالع مبايله صار يحس انه ما يحب حد قلبه صار خالي صار يسال نفسه اذا يحب عهود ول بس مرحله ومرت راح يطالع صورة عهود: عهود ليش جرحتيني ليش؟ اما عهود كانت حالتها ميؤوسه ماتعرف ليش تغير عليها محمد وليش يرمسها بدون نفس وهي شوسوت له عسب جي يسويبها هي غلطت وهو مب راضي يسامحها ليش يا محمد تحب تذلني وتجرحني ليش؟ مرت الشهور ودخل محمد دورة الشرطة وعهود دخلت الكلية وكانت اول سنة مب متعودين بس حاول كل واحد ينسى الثاني وعند محمد كانو يقومو من الصبح يركضو ويسون رياضه ويتمرنون ويكدوهم كد ويعلموهم على الاسلحه ...الخ اما عهود كانت تدخل من محاضره للثانية وكل محاضره ازفت من الي قبلها وعهود اذا ملت من المحاضره تتذكر محمد وسوالفه وتتمنى انها تسمع صوته . وقت الاستراحه راح محمد شل له شي ياكله ويلس على الطاوله ومعاه منصور قال منصور: محمد باركلي محمد: على شو؟ منصور: خطبت محمد: منى؟ منصور: لا اتخسي الا هي محمد: منصور شو قلنا انت تباهم يسحبوك من بيتكم يزوجوك لها ؟ منصور: لكن يا محمد انا... مراااحب ياهلااا بعرب فارس عساكم بخير؟؟ منورين الصفحه ...^^ هاه شو تظنون انه محمد بيرد على منصور؟؟؟ منصور بياخذها؟؟ وعلاقة محمد بعهود انتهت؟؟ ((اساله مهمه)) منو الي بنظركم غلطان؟؟ محمد ول عهود؟؟ والقرار الي اتخذته عهود صح بنظركم ول غلط؟؟؟ اتمنى تفاعلكم... التعديل الأخير تم بواسطة بنت البلاد الاصيلة ; 19-11-2008 الساعة 06:43 PM. |
| |
| 19-11-2008, 11:02 PM | رقم المشاركة98 (permalink) | ||
| :: فارس حبوب :: | مراااحب ياهلااا بعرب فارس عساكم بخير؟؟ بخير داااااامج بخير ماماتي ^^ منورين الصفحه ...^^ اكيد تقصديني هع هع هاه شو تظنون انه محمد بيرد على منصور؟؟؟ انه غلطان على إلألي سوااه وازم يصحح غلطه منصور بياخذها؟؟ بياخذها وبيطلقها غصبا عنه وعلاقة محمد بعهود انتهت؟؟ لاا بيرجعون لبعض عن طريق صدفه بس ماعرف كيف بتكون لوول تصدقين الحوار إللي صار بين عهود ومحمد احس اني عشته لوول ((اساله مهمه)) منو الي بنظركم غلطان؟؟ محمد ول عهود؟؟ محمد اكيد ليش ماخبرها من البدايه وحسسها انه يكرها بس هيه غلطانه انها تسرعت بعد والقرار الي اتخذته عهود صح بنظركم ول غلط؟؟؟ صح ^__^ حراام الحب لووووول شو قصدج ماماتي اني هاديه انا امبوني هاديه فديتني تسلمييييين ماماتي ولاتبطين وحطي بارتين باجر حلاوه الويك اند لوول  ودمتم سالمين __________________
| ||
| |
| 20-11-2008, 02:52 PM | رقم المشاركة99 (permalink) | ||
| :: فارس حبوب :: مزاجي: | مراااحب ياهلااا بعرب فارس مرحبتين ياحبوبه .. عساكم بخير؟؟ بخير دامج بخير يالغلا .. منورين الصفحه ...^^ منور بوجودج ياحبوبه .. هاه شو تظنون انه محمد بيرد على منصور؟؟؟ صراحه أعتقد مابيقدر لانه منصور قوي والي بيسويه بيسويه على كيفه وماعتقد محمد عليه وأن جبراه او أتفق معاه على شي هاا شي ثاني ..خخ منصور بياخذها؟؟ أعتقد على حسب يعني الي قلته بالسؤال القبلي في حالة انه كان معاند مابياخذها وفي حالة انه أتفق مع محمد على شي فيمكن ياخذها مؤقت وعقب يطلقها عقب مايعذبها ..خخخ وعلاقة محمد بعهود انتهت؟؟ اعتقد لا أعتقد بيردون حق بعض بس هب ألحين .. خخخ ((اساله مهمه)) منو الي بنظركم غلطان؟؟ محمد ول عهود؟؟ أنا أعتقد محمد لانه الي يحب وحده لازم يكون صادق معاها 100% ..خخخ والقرار الي اتخذته عهود صح بنظركم ول غلط؟؟؟ أي قرار خذته ههود انا ماأجوف انه قرار هاا الي سوته .. لو تتكلمين انه خلته .. ترى كل وحده عندها كرامه وهو قاله ماباج خلاص مابتدقله .. ولو تتكلمين على العذاب الي عايشتنه بروحه والي مسويتنه حق عمرها .. ترا كل وحده يوم بتحب وبتسوي جي ..خخخ __________________
| ||
| |
| 20-11-2008, 03:34 PM | رقم المشاركة100 (permalink) | |
| :: مراقب عام :: مزاجي: |
((كل وحده تحب بتسوي جي))...^^ ما اعرف والله بس ربي يعينها ويصبرها ... ادعيلها...^^ وكلاااااااااااااااااااااااااااااامج درر يوم قلتي محمد غلطان 100 % لانه تخلى عنها ولا عطاها سبب واحد عن التخلي هذا... وهو ماسلها عن السبب ولا تفهم له.. قالت له ودرني وهو جانه هب امصدق سمعها اخيرا وودرها... بس بعدنا مانعرف شو نهايتهم بتكون...>< خل نكمل للنهايه وعسى انه تعجبكم... | |
| |
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
| |
 المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| شباب مراهق.. | غرشوبة بني ياس | الأشعار والخواطر للنقل المتميز | 9 | 12-05-2008 07:48 PM |
| اعتقال مراهق خطط لتفجير مدرسته | Ay SHY | الاخــبار والمعلومــات السيــاسية والغريــبه | 4 | 24-04-2008 07:00 PM |
| مراهق يضع قطعة خبز فالحمام | امير المعاني | قسم القصص ال | ||
BABY BENT ALBLAD 
lol ana al7een 9rt baby lol 
العرض العادي
