هاهاااي لاشكلي برابع ولد اخوج هذا *_*

يقولون اني كنت شراني وعقب تحولت لملاك <<< اسولف

المهم ولد اخوج ها ماينفع معاه حبيبي تعال وحبيبي غلط الي تسويه

لااا الحزم في هالمرحله مطلوب

مب تكفيخ وضرب لا يعني حزم في القرارات الي تتخذونها

اممم شكلها امه وابوه وايد مدلعينه يمكن هو البجر او وحيدهم

لكن شخصيته هاي المسوؤل الأول فيها هم الوالدين

إما انهم مرخين الحبل معاه زوود

فكل ماسوى شي قالوا فديته ياهل محد يلومه او يتراجعون بقراراتهم بسرعه

فالياهل تعود ياخذ الي يباه بسهوله

أو انه شايف هالتعامل ( الضرابات ) في بيتكم

هو ياااهل بعد وين بيتعلم هالتصرفات ؟؟

أكيد يقلد حد اكبر عنه او يمكن الجو عندكم دموي حبتين لووول

بمعنى آخر لو شاف واحد ينضرب من الأهل عادي محد يرمسه وكأن السالفه عاديه

الحين انيي للحلول

أول شي شرات ماقلت خلكم حازمين معاه

شوفوا شو يحب ؟؟ مثلا يحب يلعب في الحوى بالسيكل

اوكيه ضرب فلانه خلاص ياعبود يازخووه انت محروم من اللعب لمده يومين

وخلكم قد الكلمه مب تتراجعون عقب ربع ساعه لانه بيحط فباله انكم تقولون قرارات وعقب تعفون عنه

ايضا مبدأ الثواب ويكون شي محترم ويحبه مب كلام بس

يعني هالأسبوع ماضربت ياهل راح اعطيك عشرين درهم تشتري من الدكان

وجيه يعني

اهم شي كلكم تكونون كلمه وحده

مب انتي تقولين قرار وامه تقول لا او تعطيه الي يباه عقب

الولد طبيعي بس التعامل معاه كان غلط من البدايه

وكبر معاه هالغلط مع الوقت

وصعب عقب تتحكمون في تصرفاته خصوصا لو وصل لمرحله اكبر

لانه بيقول انا ريال واعرف مصلحتي ومحد له خص فيني

حاولوا تسيطرون عليه من الحين لانه بعده شخصيته تتشكل

وان شاء الله نسمع اخبار طيبه عنه

همممم سلمي عليه واايد

حبيته تراني هالحنون هااهاااي

اول شي لازم تشوف له حل باي طريقه وانا اشوف بضرب يعني لازم ايوه يادبه ويعلمه الادب لان اذا ماقدرت عليه وهو صغير مستحيل بعد مايكبر يخلي حد بحاله واولهم شغالة بيت الجيران خخخ لازم الكل يقاطعه عشان يحس شويه .شي ثاني لا تعطوه مصروف ولا تشتروا له العاب الا اذا سوا شي زين. انا اتوقع في حد قاعد يشجعه على اللي يسويه يمكن اهل امه يعني خوالينه لازم تجتمعوا كلكم وتقعدوا وياه وتسمعوا كلامه وتقولو له اذا سويت جي وجي راح نشتري لك سياره مثلا . وانشاء الله يوم يكبر يعقل ..,.؛

شي من إثنين :

ياإن الطفل عدواني ..

أو إن أهله يوم كان أصغر ويسوي مواقف مثل هاي
كانوا يضحكون عليه ..

بعدها تمرد عليهم وهم اللي تأذوا ..

علاج حالته إذا مو مرضيه << وإن شاء الله لا

الحرماااااااان ..

تحرمونه ..

يعني الأشياء اللي يحبونها الأطفال .
تعطونهم كلهم إلا هو << إذا سوا الغطل طبعاً ..


أنتي ضروري تعرضين حالته على طبيب نفسي
مجرد عرض << إذا تحسين إن حالته فووق الطبيعي ..
وبعد ماتفشل الحلول ..

بالنهايه الأطفال يتغيرون لاكبروا ..
بس بعد مايطلع الشيب بأهاليهم ..

الله يكون فعونكم ياااارب ويصلحه ويهديه ..

يالله عبالك ما سويت الي قلت عنه

وعبالك اخوي ما سواله .. واهو مب الولد الوحيد اهم 3 واهو الوسط

اقولك كل شي جربنا ... العنف والطيبه والحزم

بس ماشي فايده .. تعرف ان نحن نعاقبه واهو عادي

ولا ياثر .. وفي البيت شي ضرابات صح . بس مب شراته ..اهو امرره .. مب ضرابه تعذيب اعوذ بالله

ودخيل الله ...بقلد منو ..اليهالو كلهم على نفس العمر .. والباقين نخن وكلنا كباااار

واهو طول اليوم معانا في بيتنا ... يعني احس ان تربيتنا نحن عليه تاثيرها اكبر ..

يعني تصرفاته مب اثار اهله .. اثارنا نحن <<< ولو نحن جربنا كل شي معاه


يمكن ملبوس هههههه ؟؟<<<<< بسم الله

جربت الحرمان ..اليوم دخلت اليهالو كلهم في حجره .. واهو في حجره ثانيه بروحه ..

قتله كل ما خربت .. ما بدخلك عند اليهالو .. تلعب وياهم

وتم قاعد بروحك .. لتنك تخرب وما تسمع الكلام

اوكيه ..سكرت الباب .. قعدت حذال الباب .. اشوف الولد صاخ لا ضارب ولا شي

اول ما فتحت الباب حصلته في الحجره يخرب ..


ماشي فايده .. وحتى نحن يوم بنحرمه بخرب .. قتله روح بيتكم ولا ترد

قال برد <<< يعاند

واهم صح اليهال يكبرون .. بس انا ما اباه جيه يكبر .. هذا عادي اتوقع باجر يفر اهله

وكنت برمس دكتور ..بس ما اعرف دكتور زين ؟؟

والله ما اريد اسدها في ويوهكم ..بس انا ما كتبت الموضوع الا لاني جربت وما استفدت شي

اول الشي المصروف ما نقدر نحرمه منه .. اهو ياهل عمره 4 سنوات

يروح المدرسه بدون مصروف .. مستحيل ما نقدر

والضرب من قالك .اخوي ما قصر فيه .. رمسه بروحه وبالطيب وبالهداوه

وكفخه وضربه ..

وفي كل الحالتين ماشي نتيجه

نفس ما اهو ..يتاثر اول ساعه .. بعدين يرد مثل ما اهو

وكانك يا زيد ما غزيت

مرحبابج أختي

شكله ولد أخوج ماخذ سلطة خخخخخخ

المهم ..

أول شيء يوم يسوي الغلط لا تعاتبوه ولا شيء على طول عقاب بس نفس ما قال أخوي الدرعي

مب ضرب ولا عنف .............

وعلى فكرة بعض اليهال يوم يغلطوون في شيء يخليهم يتعدلوون وهو ( التطنييش)

يعني لا تكلموه ولا تلاعبونه

لاعبو اليهال الباقيين وطنشووه واذا قرر ايي عندكم يتمسكن سوووا عماركم ما تسمعووه

بيتلوم خخخخخخخخخخخخخخخ

هذا أول حلل ممكن

ثانيا ممكن تحرمووه من شيء يحبه


وأكييد اذا اتعدل وصار زين له الليي يبييه بس بدون مبالغة لانكم بتكونوا ما سويتو شيء

يعني شيء يحبه أو لعبة يحبها أو مكان يحب ارووحه


وتلاحقوا عليه من الحيين لانه في المدرسة انتو ما تعرفو ويا منو قاعد ارووح والا يمشيي


وعلى فكرة ترا اليهال بشكل عام وااااااااااااااااااااااااااااااااايد يحبو يعاندوا

فاذا انتوا عانتوو هو بعاند أكثر خخخخخخخخخخ ( تراني مجربة )




تقبلي نصايحي اختي والله يوفقكم و يوفق ولد أخوج

ذكرتيني بولد اخوي مرة شراااته كله يرااابع منا ومناك والله اذا القيتي علاج طرشيه صوبي هههههههههه

هههههههههههههههههههههههههه

قســـــــــــم بالله شرااااات بنت خااااالتيه احب شطاااانتهاا واايد بس اخااف منها ههههه

تدرين مره شكييت فيهااا .. قلت لخاالتيه هاااي شكلها دااخلنهاا يني .. ويوم قريت الفااتحه اوول ما قلت بسم الله الرحمن الرحيم وانا ميووده رااسها ههههههه وهي تتحرك

عقب تمت اطاالعني وتضحك هههههههههههه تدرين وانا مكااني ازاااااااااااااااعج قلت شكله صدق يني ..!.. خليتها وشردت بحيااتي هههههههههههههه وهي تركض وراايه اخر شي صحت من الخووف ههههههههههههههههه

وخالتيه تضحـــك تتحرااني استهبل ..! ماتدري اني اقراا عليهاا صدق

بس تعرفين انا شوو اسووي ويااهاا

اعطيهاا اللي تبااه ويووم اجووفها اتخرب اخرب ويااهاا عسب ما تقرب صووبي وتحبني .. وصدق قبل ما نرد بيتنا حسيتها حبتني وقاامت تسمع كاامي

ومراات يوم هي تضحك وما تشووفنا نضحك ويااها تبدا تخرب ..!

وهاا كله بس عسب يلفتوون الانظاار

لكن الحل انج اتسوووين كل اللي يرضيه شراات ما سوويت .. والشطاانه بتستمر .. ويووم اتشووفينه متعلللللللق فييج .. لا تصحينه لكن لو سووا شي غلط قوولي له (( دخييلك لا تسووي )) واذا سووا طااف

شردي بحيااتج ههههه

انا كل اللي سوويته ومازلت اسووية اسمع كلامهاا ولو انها يااهل واحينه هي اتحبني هع ويوم اتشووفني اقوولها لا مراات تسمع الكلام (( لو كنا ابروحنا )) ولو حد ويانا اتسووي اكبر طاااااااااااااااف

جآن تبين الصدق لين احينه اخااف منها

ودقي ع دكتوور وقولي له كل شي عل وعسى يأثر فيه خخ

بس خليه يستاانس بطفووولته خخخخخخخخ